வவுனியா வடக்கு வலய குருளைச் சாரணத் தலைவர்களுக்கான சின்னம் சூட்டும் நிகழ்வு 28.03.2025 அன்று புளியங்குளம் ஆசிரியர் வள நிலையம் மற்றும் புளியங்குளம் இந்துக்கல்லூரி ஆகிய இடங்களில் இடம்பெற்ற பயிற்சிகளோடு இடம்பெற்றிருந்தது. 

சாரண செயற்பாடுகளை வடக்கு வலயத்தில் விரிவுபடுத்த வேண்டும் என்ற வலயக் கல்விப் பணிப்பாளர் திரு து. லெனின் அறிவழகன் அவர்களின் நோக்கத்திற்கு செயல் வடிவம் கொடுக்கும் வகையில் குறித்த நிகழ்வு இடம்பெற்றமை குறிப்பிடத்தக்கது.

பயிற்சிகள் சாரணர் தேசிய பயிற்சியாளர் திரு அஜித்குமார் அவர்களின் தலைமையில் இடம்பெற்றதுடன் மாவட்ட ஆணையாளர் மற்றும் மாவட்ட உதவி ஆணையாளர்கள் கலந்துகொண்டதுடன் சின்னம் சூட்டும் நிகழ்வைச் சிறப்பிக்கும் முகமாக கோட்டக் கல்விப்பணிப்பாளர் திரு சசிக்குமார் அவர்களும் கலந்துகொண்டு சிறப்பித்திருந்தார் என்பதும் குறிப்பிடத்தக்கது.